សមត្ថកិច្ចនគរបាលខេត្តបង្ហាញមុខក្រុមក្មេងទំនើង១០នាក់ ជិះម៉ូតូដើរកាប់ពលរដ្ឋផ្អើលពេលយប់ក្នុងខេត្តកំពង់ឆ្នាំងត្រូវបា នបង្ក្រាបចាប់ឃាត់ខ្លួនខេត្តកំពង់ឆ្នាំង សមត្ថកិច្ចនគរបាលព្រហ្ម ទណ្ឌកម្រិតស្រាលនៃស្នងការដ្ឋាននគរបា លខេត្ត នៅព្រឹកថ្ងៃទី១៧ ខែវិច្ឆិ កាឆ្នាំ២០២៣ បានបង្ហាញមុខក្រុមក្មេងទំនើង១០នាក់ ដែលត្រូវបានចាប់ឃាត់ខ្លួនក្នុងករណី ជិះម៉ូតូធ្វើសកម្មភាពកាប់ប្រជាពលរដ្ឋនៅតាមដងផ្លូវ និង កន្លែងសួនច្បារសាធារណៈ។លោក ពេជ្រ សុឃឿ .ប្រធានការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តបានឱ្យដឹងថា ក្រុមក្មេងទនើងទាំងនេះបានធ្វើសកម្មភាព កាលពីយប់ថ្ងៃទី១១ ខែវិច្ឆិការ ឆ្នាំ២០២៣ មុនពេលធ្វើសកម្មភាពក្រុមក្មេងទំនើងទាំ ងនេះបានណាត់ជួបគ្នា ហើយបានរៀបចំធ្វើសកម្មភាពជិះម៉ូតូពីក្រុងកំពង់ឆ្នាំង ជិះតាមផ្លូវជាតិលេខ៥ ឆ្ពោះទៅរង្វង់មូលស្រ្តីស្មូនឆ្នាំង ស្ថិតនៅឃុំពង្រស្រុករលា ប្អៀរ។ ពេលទៅដល់ឃើញជនរងគ្រោះ ២នាក់ ក៏បានជិះម៉ូតូទាញដាវកាប់ទៅលើជនរងគ្រោះតែម្តង បណ្តាលឱ្យជនរងគ្រោះរងរបួសជាទម្ងន់ ក្រោយពីធ្វើសកម្មភាពរួចហើយ ក្រុមក្មេងទំនើងទាំងនេះបានជិះម៉ូតូតាមផ្លូវវាងក្រុង ហើយសំដៅមករង្វង់មូលឆ្នាំងថ្មី ហើយបានឃើញយុវជន២នាក់ទៀតកំពុងអង្គុយលើម៉ូតូ ហើយបានចុះដេញកាប់តែម្តង តែជនរង គ្រោះឃើញទាន់ ក៍បានរត់ចោលម៉ូតូ ។ក្រុមក្មេងទំនើងក៍យកដាវ កាប់ទៅលើម៉ូតូ និងកាប់ផ្តាច់យកស្លាកលេខម៉ូតូជនរង គ្រោះយកទៅបាត់តែម្តង ។លោកវរសេនីយឯក ពេជ្រ សុឃឿ បានឱ្យដឹងទៀតថា អនុវត្តតាមបទបញ្ជាររបស់លោកឧត្តមសេនីយទោ ខូវ លី ស្នងការ នៃស្នងការដ្ឋាននគរបាលខេត្តកំពង់ឆ្នាំងបានអោយកម្លាំងជំនាញ បានសហការជាមួយអាជ្ញាធរមូលដ្ឋានធ្វើការស្រាវជ្រាវ និង តាមឃាត់ខ្លួនក្មេងទំនើងខាងលើនេះបានជាបន្តបន្ទាប់ យកមកស្នងការដ្ឋាននគរបាលនិងបានកសាងសំណុំរឿងបញ្ជូនទៅតុលាការអនុវត្តតាមនីតិវិធីច្បាប់។សមត្ថកិច្ចបានបញ្ជាក់ឲ្យដឹងទៀតថាតាមចំលើយសារភាពរបស់ក្មេងទំនើងបានសារភាពថា ពួកគេពិតជាបានធ្វើសកម្មភាពកាប់ទៅលើជនរងគ្រោះពិតប្រាកដមែន ចំពោះការកាប់ទៅលើជនរងគ្រោះនោះគេពុំមានគុំនំនឹងគ្នានោះទេ គឺពួកគេកាប់ដើម្បីកាត់សាញលេងតែប៉ុណ្ណោះ ។ ចម្លើយនេះពិតជាហួសចិត្ត មិនបាច់មានគុំនុំអីទេគឺជួបមុខកាប់កាត់សាញលេងៗតែម្ដង។គួរបញ្ជាក់ថា ករណីបង្ក្រាបក្មេងទំនើងខាងលើនេះប្រជាពលរដ្ឋអបអរសាទរយ៉ាងខ្លាំងចំពោះសមត្ថកិច្ច ដែលបានចំណាត់ការក្រុមក្មេងទំនើងខាងលើនេះដើម្បីរក្សាសន្តិសុខនិងសណ្ដាប់ធ្នាប់នៅក្នុងសង្គមយើង ៕កំពង់ឆ្នាំងថ្ងៃទី១៧ ១១ ២០២៣ឈៀងថារិទ្ធ
វីដែអូ